1659. ტარიელცა჻ თაყუანი჻ სცა჻ მივა჻ კოცნად჻ სასალამოდ჻ მეფე჻ ყელსა჻ აკოცებდა჻ მართ჻ ბაგისა჻ დასაჰამოდ჻ გაკუირვებით჻ ეუბნების჻ არის჻ მისგან჻ სათამამოდ჻ შენ჻ მზე჻ ხარო჻ შენი჻ გაყრა჻ არის჻ დღისა჻ შესაღამოდ჻
1660. გაეკვირვა჻ მეფე჻ მისსა჻ თუალადობა჻ სიტურფესა჻ პირსა჻ უჭურეტს჻ გაკუირვებით჻ უქებს჻ მკლავთა჻ სიალფესა჻ კულა჻ ფრიდონცა჻ უსალამა჻ თაყუანი჻ სცა჻ მან჻ მეფესა჻ მას჻ მეფესა჻ ავთანდილის჻ ნახუისათუის჻ მოსწრაფესა჻
1661. მეფე჻ ტარიას჻ ქებასა჻ დაჰკრთების჻ დაეღონების჻ ტარიელ჻ ეტყუის჻ მეფეო჻ აწ჻ გული჻ შენ჻ გემონების჻ მიკუირს჻ თუ჻ ეგრე჻ სიკეთე჻ თქუენ჻ ჩემი჻ რად჻ გეგონების჻ რადგან჻ ავთანდილ჻ შენია჻ სხუა჻ რად჻ ვინ჻ მოგეწონების჻
1662. ნუ჻ გიკუირს჻ მისი჻ ვერ჻ ნახუა჻ და჻ დაყოვნება჻ ხანისა჻ მოდი჻ და჻ დავსხდეთ჻ მეფეო჻ ამოა჻ კორდი჻ მწუანისა჻ გკადრო჻ მიზეზი჻ მისისა჻ თქუენს჻ წინა჻ ვერ჻ მოტანისა჻ ვეაჯ჻ რასმე჻ აწ჻ მმართებს჻ მოთხოვა჻ მე჻ ფარმანისა჻
1663. დასხდეს჻ მეფენი჻ მოადგა჻ გარე჻ სიმრავლე჻ რაზმისა჻ ტარიელს჻ პირსა჻ ციმციმი჻ ათქს჻ უნათლესი჻ ბაზმისა჻ ჭურეტა჻ ახელებს჻ მჭურეტელთა჻ ყოფა჻ ქცევისა჻ და჻ ზმისა჻ დაუწყო჻ თხრობა჻ მეფესა჻ სიტყუისა჻ ბრძნად჻ ნაკაზმისა჻
1664. მეფეო჻ თავი჻ მემცრობის჻ მე჻ მისად჻ მოსახსენებლად჻ მაგრა჻ მოსრული჻ თქუენს჻ წინა჻ ვარ჻ შემოხუეწლად჻ ქენებლად჻ თუით჻ იგი჻ იაჯს჻ რომელი჻ ჩანს჻ მზეებრ჻ შუქთა჻ მფენებლად჻ ვინ჻ არის჻ ჩემად჻ სინათლედ჻ და჻ ჩემად჻ გამათენებლად჻
1665. აწ჻ ამას჻ გკადრებთ჻ ორნივე჻ ხუეწით჻ და჻ შემუდარებით჻ ავთანდილ჻ დამდვა჻ წამალი჻ მისგან჻ თავისა჻ დადებით჻ დაჰვიწყდეს჻ რომე჻ პატიჟნი჻ სჭირდეს჻ ჩუენთავე჻ დარებით჻ არ჻ გაწყენ჻ გრძელი჻ ამბავი჻ არს჻ ჩუენგან჻ მიუმხვდარებით჻
1666. თქუენთა჻ უყვარს჻ ერთმანერთი჻ ქალი჻ მას჻ და჻ იგი჻ ქალსა჻ მით჻ ვიგონებ჻ საბრალოსა჻ მტირალსა჻ და჻ ფერნამკრთალსა჻ მუჴლმოყრილი჻ გიაჯები჻ ნუღარ჻ აწვევ჻ იმათ჻ ალსა჻ რომე჻ მისცეთ჻ ქალი჻ შენი჻ მკლავმაგარსა჻ გულფიქალსა჻
1667. ამის჻ მეტსა჻ არას჻ გკადრებ჻ არ჻ მოკლესა჻ არცა჻ გრძელსა჻ ამოიღო჻ ჴელმანდილი჻ მოინასკუა჻ იგი჻ ყელსა჻ ადგა჻ მუჴლნი჻ მიუყარნა჻ იაჯების჻ ვითა჻ მზრდელსა჻ გაუკუირდა჻ ყოვლსა჻ კაცსა჻ მის჻ ამბისა჻ მომსმენელსა჻
1668. რა჻ ტარიელ჻ მუჴლმოყრილი჻ ნახა჻ მეფე჻ შეუზარდა჻ შორს჻ უკუდგა჻ თაყუანისსცა჻ ქუე჻ მიწამდის჻ დაუვარდა჻ მოახსენა჻ ჴელმწიფეო჻ ლხინი჻ ყოვლი჻ გაუქარდა჻ თქუენმან჻ აგრე჻ სიმდაბლემან჻ ნახუა჻ თქუენი჻ ჩამადარდა჻
1669. ვით჻ ეგების჻ რაცა჻ გწადდეს჻ რომე჻ კაცი჻ არ჻ მოგთმინდეს჻ ანუ჻ მშურდეს჻ ქალი჻ ჩემი჻ საკლავად჻ და჻ ტყვედცა჻ გინდეს჻ გებრძანამცა჻ სახლით჻ თქუენით჻ ცრემლი჻ არცა჻ მაშინ჻ მდინდეს჻ სხვა჻ მისებრი჻ ვერა჻ პოვოს჻ ცათამდისცა჻ გაცაფრინდეს჻
1670. მე჻ სიძესა჻ ავთანდილის჻ უკეთესსა჻ ვჰპოვებ჻ ვერა჻ თუით჻ მეფობა჻ ქალსა჻ ჩემსა჻ მივეც჻ აქვს჻ და჻ მას჻ ეფერა჻ ვარდი჻ ახლად჻ იფურჩნების჻ მე჻ ყუავილი჻ დამებერა჻ რამცა჻ ვჰკადრე჻ შეცილება჻ რასაც჻ ოდენ჻ იგი჻ ჯერა჻
1671. თუ჻ შეგერთო჻ ერთი჻ მონა჻ თქუენთვის჻ არცა჻ მაშინ჻ მშურდა჻ ვინმცა჻ გკადრა჻ შეცილება჻ უშმაგომცა჻ ვით჻ მოგმდურდა჻ თუ჻ ავთანდილ჻ არ჻ მიყუარდა჻ ასრე჻ მისთუის჻ რად჻ მომსურდა჻ დია჻ ღ~თოწინაშე჻ ვარ჻ ესე჻ ჩემგან჻ დადასტურდა჻
1672. რა჻ ტარიელ჻ მეფისაგან჻ ესე჻ სიტყუა჻ მოისმინა჻ დადრკა჻ მდაბლად჻ ეთაყვანა჻ პირსა჻ ზედან჻ დაეფინა჻ კულა჻ მეფემან჻ თაყუანისცა჻ წამორევლო჻ წადგა჻ წინა჻ ერთმანერთი჻ მოიმადლეს჻ მათ჻ ერთსაცა჻ არ჻ ეწყინა჻
1673. ტარიელ჻ ფრიდონ჻ გაგზავნა჻ მის჻ ყმისა჻ მოსაყვანელად჻ შესთუალა჻ მოდი჻ გიბრძანებს჻ იგი჻ შენ჻ ვისად჻ სჩანს჻ ელად჻ ჭირნი჻ გარდახდეს჻ მოგაკლდა჻ ცრემლი჻ ღაწუისა჻ მბანელად჻ ნუღარ჻ ეშიშვი჻ საჴმილსა჻ შენი჻ დამწველია჻ ნელად჻
1674. ფრიდონ჻ შეჯდა჻ ავთანდილის჻ მახარობლად჻ გაექანა჻ ჻ ესდენ჻ დიდი჻ სიხარული჻ გაეხარნენ჻ მასმცა჻ განა჻ ჻ წავიდა჻ და჻ წამოუძღუა჻ მოიყუანა჻ მოჰყუა჻ თანა჻ მაგრა჻ ირცხუის჻ მეფისაგან჻ შუქი჻ ბნელად჻ მოევანა჻
1675. მეფე჻ ადგა჻ მოეგება჻ ყმა჻ გარდაჴდა჻ რა჻ მივიდა჻ ხელთა჻ ჰქონდა჻ ჴელმანდილი჻ პირსა჻ მითა჻ იფარვიდა჻ მზე჻ ღრუბელსა჻ მოჰფარვოდა჻ ქუშდებოდა჻ ვარდსა჻ ზრვიდა჻ მაგრა჻ მისსა჻ შუენებასა჻ რამცა჻ ვითა჻ დაფარვიდა჻
1676. მეფე჻ კოცნასა჻ ჰლამობდა჻ აღარა჻ ცრემლნი჻ სდენიან჻ ავთანდილ჻ ფერჴთა჻ ეხუევის჻ შუქნი჻ ქუე჻ დაუფენიან჻ უბრძანა჻ ადეგ჻ ნუ჻ ირცხუი჻ შენ჻ ზნენი჻ გამოგჩენიან჻ რადგან჻ მერჩიო჻ ნუ჻ მერცხუი჻ გაე჻ რასაღა჻ გრცხუენიან჻
1677. მოეხუია჻ გარდაჰკოცნა჻ მან჻ პირისა჻ არემარე჻ დამივსეო჻ ცეცხლი჻ ცხელი჻ მაგრა჻ წყალი჻ არე჻ მარე჻ ვინ჻ გიშერი჻ დააჯოგა჻ და჻ წამწმისა჻ არემა჻ რე჻ გუალე჻ შეგყრი჻ ლომო჻ მზესა჻ თავი჻ მისკენ჻ არე჻ მარე჻
1678. მეფე჻ ყელსა჻ ეხუეოდა჻ მას჻ ლომსა჻ და჻ ვითა჻ გმირსა჻ ახლოს჻ უზის჻ ეუბნების჻ აკოცებს჻ და჻ უჭვრეტს჻ პირსა჻ იგი჻ მზეა჻ ჴელმწიფობა჻ ასრე჻ მიხუდა჻ ვითა჻ ღირსა჻ მაშინღაა჻ ლხინი჻ ამო჻ არის჻ რა჻ გარდიჴდის჻ კაცი჻ ჭირსა჻