... (S-5006), XVIII ს.
177. პირველ: ყმა: ვარ: წასულა: მინდა: პატრონისა: სამსახურად: ჴამს: მეფეთა: ერთგულობა: ყოფა: გუმართებს: ყმასა: ყმურად: მერმე: ცეცხლი: დაუვსია: აღარა: მწვავს: გულსა: მურად: ჴამს: თუ: კაცი: არ: შეუდრკეს: ჭირს: მიუხდეს: მამაცურად:
178. ვართ: უმოყვრესნი: მე: და: შენ: ყოველთა: პატრონყმათასა: ამისთვის: გნუკევ: სმენასა: შენ: ამა: ჩემთა: ჴმათასა: ჩემ: წილ: დაგაგდებ: პატრონად: თავადად: სხვათა: ყმათასა: ამა: საქმესა: ვერა: ვიქ: მე: განდობასა: სხვათასა:
179. ლაშქართა: და: დიდებულთა: ალაშქრებდი: ნაპირობდი: დარბაზს: კაცსა: გაგზავნიდი: და: ამბავსა: მათსა: ცნობდი: წიგნსა: სწერდი: ჩემ: მაგიერ: უფასოსა: ძღვენსა: სძღვნიდი: აქა: სადმე: არ: ყოფასა: ჩემსა: მათმცა: რად: აგრძნობდი:
180. ლაშქრობა: და: ნადირობა: შენი: ჩემსა: დაასახე: აქა: სამ: წელ: მომიცადე: ხვაშიადი: შემინახე: მე: ნუთუმცა: შემოვბრუნდი: ალვა: ჩემი: არ: დაჭნა: ხე: არ: მოვბრუნდე: მამიგლოვე: მიტირე: და: მივაგლახე:
181. მაშინღა: ჰკადრე: მეფესა: არ: საქმე: სასურვალია: აცნობე: ჩემი: სიკვდილი: იყავ: მართ: ვითა: მთვრალია: მიხუდათქო: საქმე: რომელი: ყოვლთათვის: გარდუვალია: გლახაკთა: მიე: საჭურჭლე: ოქრო: ვერცხლი: და: თვალია:
182. მაშინ: უფრო: მომეჴმარე: ამისგანცა: უფრო: მჴედრე: ნუთუ: ადრე: დამივიწყო: მახსენებდი: ზედაზედრე: მეტად: კარგად: დამიურვე: სული: ჩემი: შეივედრე: ზრდანი: ჩემნი: მოიგონენ: გული: შენი: მოიმდედრე:
183. რა: მონამან: მოისმინა: გაუკვირდა: შეეზარა: თვალთათ: ვითა: მარგალიტი: ცხელი: ცრემლი: გარდმოყარა: მოახსენა: უშენომან: გულმან: რამცა: გაიხარა: ვიცი: რომე: არ: დასდგები: მაგას: გიშლი: ამად: არა:
184. განა: ქნა: ლომმან: იმედი: დაგედვას: რაცა: მისადა: მეფისა: ცამდის: მაღლისა: მზისაცა: უფრო: ზისადა: უთქვენოდ: მყოფი: არ: ვარგვარ: არცა: თუ: აქა: ვზი: სადა: მარტოსა: თავი: რად: დაგიც: სავალად: მაგა: გზისადა:
185. ჩემად: ნაცვლად: დაგაგდებო: ესე: სიტყვა: რად: მიბრძანე: რა: გვარა: ვქნა: პატრონობა: რამც: გიფერე: რამც: გაგვანე: შენ: მარტოსა: გიგონებდე: მემცა: მიწა: ვიაკვანე: სჯობს: ორნივე: გავიპარნეთ: წამოგყვები: წამიტანე:
186. ყმამან: უთხრა: მამისმინე: მართლად: გითხრობ: არა: ჭრელად: რა: მიჯნური: ველთა: რბოდეს: მარტო: უნდა: გასაჭრელად: მარგალიტი: აღარ: მოხუდეს: უსასყიდლოდ: უვაჭრელად: კაცი: ცრუ: და: მოღალატე: ჴამს: ლახვრისა: დასაჭრელად:
187. მისი: ცეცხლი: გულსა: ჩემსა: დამწველი: და: მედებია: მას: ერთსაცა: ვერ: გაუტეხ: რაცა: მიიმედებია: შენგან: კიდე: არა: მივის: ძმები: არცა: მე: დებია: იმოქმედე: დღეთა: შენთა: რაცა: გიმოქმედებია:
188. ვისმცა: უთხარ: ხვაშიადი: შენგან: კიდე: არვინ: ვარგა: უშენოსა: პატრონობა: ვის: მივანდო: ვინ: ქნას: კარგა: სანაპირო: გაამაგრე: მტერმან: ახლოს: ვერ: იბარგა: კვლა: ნუთუმცა: შემოვიქცე: ღმერთმან: სრულად: არ: დამკარგა:
189. ფათერაკი: სწორად: მოჰკლავს: ერთი: იყოს: თუნდა: ასი: მარტოობა: ვერას: მიზამს: მცავს: თუ: ცისა: ძალთა: დასი: აქათ: სამ: წელ: არ: მოვიდე: მაშინ: გმართებს: გლოვა: ფლასი: წიგნსა: მოგცემ: გმორჩილობდეს: ვინცა: იყოს: ჩემი: ხასი:
აქა წიგნი ავთანდილისა თავის ყმათა თანა:
190. დაწერა: თუ: ჩემნო: ყმანო: გამზრდელნო: და: ზოგნო: ზრდილნო: ერთგულნო: და: მისანდონო: ამას: ზედა: გამოცდილნო: თქუენ: ჩემისა: საწადლისა: მიდგომილნო: ვითა: ჩრდილნო: წიგნი: ჩემი: მოისმინეთ: ყოვლნო: ერთგან: შემოხდილნო:
191. მიწაცა: თქვენი: ავთანდილ: ისმინეთ: გიწერ: მე: რასა: თვით: ვიქ: ჴელითა: ჩემითა: ამა: წიგნისა: წერასა: ცოტასა: ხანსა: ვარჩივე: გაჭრა: სუმასა: და: მღერასა: პურად: და: საჭმლად: მივენდე: ჩემსა: მშვილდსა: და: ცერასა:
192. საქმე: რამე: მიც: თავისა: ზე: სადმე: გარდსახვეწელი: დავჰყო: მარტო: და: ღარიბად: ესე: წლეული: მე: წელი: გემუდარები: ამისთვის: ვარ: თქუენი: შემომხვეწელი: მე: დამახვედროთ: სამეფო: მტერთაგან: დაულეწელი:
193. მე: შერმადინ: დამიგდია: ჩემად: კერძად: პატრონობდეს: სიკვდილსა: და: სიცოცხლესა: სადამდისცა: ჩემსა: სცნობდეს: ყოვლთა: მზეებრ: მოგეფინოს: ვარდს: ზურიდეს: არ: აჭკნობდეს: შემცოდესა: ყველაკასა: ვითა: ცვილსა: დაადნობდეს:
194. თქვენცა: იცით: გამიზრდია: ვითა: ძმა: და: ვითა: შვილი: ამას: ასრე: მორჩილობდით: არის: ვითამც: ავთანდილი: ბუკსა: იკრას: აქნევინეთ: ყოვლი: საქმე: ჩემგან: ქნილი: მე: თუ: დრომდის: არ: მოვიდე: გლოვა: გმართებს: არ: სიცილი:
195. ესე: წიგნი: დაასრულა: წყლიანმან: და: სიტყვანაზმა: წელთა: ოქრო: შემოირტყა: საღარიბოდ: მოეკაზმა: ბრძანა: მინდორს: შევჯდებიო: ლაშქარიცა: დაერაზმა: მასვე: წამსა: წამოვიდა: შინა: ხანი: არა: დაზმა:
