... (S-2829), 1688 წ.
1616. რა: ვაჭარმან: ესე: საქმე: თქვა: სიტყვანი: გააკვლადნა: ქალმან: დიდნი: დაიკივლნა: ფიცხლა: თავსა: მოიხადნა: ტარიელცა: დაიზახნა: დაფარულნი: გააცხადნა: ნარგისთაგან: ნაწვიმარი: ღვარი: ადგა: თოვლი: გადნა:
1617. მამკალ: ქალსა: თავ: შიშველსა: თუ: მზე: ვითა: ეურჩოსა: სული: ვარდსა: დავამგზავსე: თავმოჴდილი: ყაყაჩოსა: თუ: ბრძენიცა: მაქებარი: მისი: იჴმობს: ვირებ: ჩოსა: ჰგავს: თუ: ტყუბი: მარგალიტი: ზის: ბროლისა: ჴარჴანჩოსა:
1618. ქალი: საბრალოდ: მამასა: სტირს: ბულბულისა: მგზავსია: თმა: გაიგლიჯა: გაყარა: ღაწვი: ცრემლითა: ავსია: ვარდი: შექნილა: ზაფრანად: ლალი: მართ: ვითა: ხავსია: მზესა: ღრუბელი: ერევის: ამად: ნათელი: დავსია:
1619. იხოჭს: და: იგლეჯს: ჴმა: მაღლად: ტირს: სიტყვა: ჴაფი: უარე: სისხლი: და: ცრემლი: თვალთაგან: ჩამოსდის: გარე: უარე: მოვჰკუდე: მამაო: მე: შენთვის: შვილი: ყოველთა: უარე: ვერა: გმსახურე: ასულმან: ვერცა: რა: შეგაგუარე:
1620. ჩემთვის: ბნელ: ქმნილო: მამაო: ნათელო: თვალთა: ჩემთაო: ჩემთა: რა: გაცნევს: ამბავსა: გულისა: მონაცემთაო: მზეო: რად: ღა: გაქვს: სინათლე: რადღა: ანათობ: თემთაო: რად: არ: დაიქეც: ქვეყანავ: რადღა: მართიხარ: ზე: მთაო:
1621. ტარიელ: მოსთქვამს: გამზრდელო: ჰა: ჰა: რა: საქმე: მსმენია: მიკვირს: თუ: მზე: რად: ღა: ნათობს: რად: არა: დაუჩენია: მზე: მოჰკვე: ყოვლთა: სულდგმულთა: სოფელი: აღარ: შენია: ღ~თსა: მიმადლე: შემინდევ: რაცა: შენ: ჩემგან: გწყენია:
1622. მაშინ: გაჴდეს: ყველაკანი: მტირალად: და: ცრემლთა: მღვრელად: დიდი: ხანი: მოიტირეს: თავის: თავის: გაუყრელად: ავთანდილ: და: ფრიდონ: ტირან: გულ: სადაგად: არ: თუ: ჭრელად: მაგრა: ექმნნეს: სულსა: მღებელ: კათოლიკოს: მაწყვერელად:
1623. ზე: ადგეს: და: მოახსენეს: ჰე: მნათობნო: ცისა: მზენო: დასთმეთ: გული: დაიწყნარეთ: ქენით: რაცა: მოგახსენო: იგი: ღ~თნ: გაამაღლოს: ვითა: ორბი: მისნო: ფრთენო: აქ: ყოფნა: არა: გუმართებს: არცაღა: გუცალს: გლოვად: ჩვენო:
1624. მადლი: უბრძანეს: აწვივნეს: ქვე: დასხეს: ზე: ადგომილნი: მუნვე: დგეს: იგი: ვაჭარნი: პირსა: ფერ: აერ: კრთომილნი: შეშინებულნი: საბრალოდ: მართ: ვერას: ვერ: მიხდომილნი: ებრძანა: ძმაო: რა: გიკვირს: ჩვენ: ვართო: იგ: წახდომილნი:
1625. კვლა: უბრძანებდეს: გვიამბეთ: ამბავი: დანარჩომია: მათ: მოახსენეს: პატრონო: ჰინდოეთს: დიდი: ომია: მოსულა: ხათა: ლაშქარი: ქალაქსა: შემოსდგომია: რამაზ: არს: ვინმე: ხელმწიფე: მათად: პატრონად: მჯდომია:
1626. ჯერთ: დედოფალი: ცოცხალა: მკვდართაგან: უფრო: მკვდარია: იბრძვის: ინდოთა: ლაშქარი: თუც: იმედ: გარდამწყდარია: გარეთ: ციხენი: წაუხვმან: ყველაი: გარდამჴდარია: მზეო: თქვენ: შუქნი: მიჰფინეთ: ჰაი: რა: ავი: დარია:
1627. მუნა: მყოფსა: ყველაკასა: შეეკერა: ჩვენცა: შავი: რამაზს: წინა: გამოვედით: მისრულად: ვთქვით: ჩვენი: თავი: მეფე: ჩვენი: დიდი: არის: მათ: ეწადა: მისი: ზავი: გამოგვიშვა: წაედითო: არა: გვიყო: ყოლე: ავი:
1628. რა: ტარიელს: ესე: ესმა: მეტად: ფიცხლად: აიყარა: ეჯი: სამ: დღე: წასავალი: ერთსა: დღესა: წაიარა: დროშა: მისი: აიმართა: წინა: არა: აიფარა: აწ: ნახე: თუ: გოლიათი: გული: ვითა: ამაგარა:
ტარიელისაგან ინდოეთს მისულა და ხატაელთ დამორჩილება:
1629. ინდოეთს: ზედა: წაადგა: მუნ: მთა: და: დიდი: ქედია: აჩნდა: ლაშქარი: უსახო: ესაკვირველა: ჰე: დია: ტარიელ: ბრძანა: მოყმენო: აწ: თქვენგან: რა: იმედია: ადრე: მოვიცლი: ჩემთაგან: ღ~თი: და: ჩემი: ბედია:
1630. იმა: ლაშქართა: უნახვან: კვლავ: ჩემი: ჴრმალთა: კვეთანი: ერთხელ: შემებნეს: დავჴოცენ: შევქნენ: აბჯართა: ფეთანი: ავთანდილ: ჰკადრა: რად: უნდა: თქმანი: სიტყვათა: მძლეთანი: მართ: ვითა: მტვერთა: წავიხვამთ: მიხუდეს: ფერჴთა: ცვეთანი:
1631. დაეკაზმნეს: საომარად: გაამაყდეს: გაჩაუქდეს: ცხენთა: შესხდეს: უკეთესთა: საჴედარნი: ასუბუქდეს: ერთმანერთსა: აჯობინეს: მჭურეტელთაგან: არ: გაუქდეს: იგი: ქედი: ჩაიქროლეს: ბუქისაცა: უფრო: ბუქდეს:
1632. წინ: მავალნი: დარაჯათა: მათთა: ზედა: გარდეკიდეს: ტარიელისმცა: გააქცივნეს: მიეწივნეს: ჩამოჰყრიდეს: მოაგებნეს: მჴარ: დაკრულნი: მათ: წინაშე: მოასხმიდეს: აიზიდნეს: ვისნი: ხართო: ჰკითხეს: ხანსა: დარეზმიდეს:
1633. მათ: მოახსენეს: მეფეო: ჩვენ: ცუდად: დაღორებულნი: რამაზის: ჴელმწიფისანი: აქა: დარაჯად: რებულნი: უბრძანა: წადით: რეგვენნო: თქვენ: ჩვენგან: გაფიცხებულნი: აცნობეთ: თქვენსა: პატრონსა: მოვლენ: გულითა: ქებულნი:
1634. უთხარით: ბრძანებს: ტარიელ: მეფე: ლაღი: და: ჯანია: იგი: ჴელმწიფე: მაღალი: მებრძოლთა: დამსაჯარია: ჩემსა: ამბავსა: გაცნევენ: შენნივე: დარაჯანია: შიში: ვერ: გიხსნის: სიკვდილსა: ცუდნიღა: დაღრეჯანია:
