ტარიელისაგან ინდოთ მეფის სიკვდილის ცნობა (A-654), XIX ს.
193. თქვა წაგიღია წინასი სიყმისა შვენიერობა ერთი გასვია მეფეო გაჩნია დანაბერობა ტარიელს პირსა აჩნია სიყმისა ვარდთა ფერობა რაზმად შევებნეთ მეფეო გვმართებს ამისი ჯერობა
194. რა გათავდა ვაზირობა ასრე ვითა აღსარება მეფე ბრძანებს დამიშალეთ არ მიჯობდა მუქარება აწ ვქნათ კარგად გამორჩევით გარეთ ომსა მოგვარება ღმერთმან ქნას და ნახოთ მათი სიცოცხლისა გამწარება
195. ჰკადრა ვაზირმან მეფეო ხარ ომსა კარგად ჩვეული რამცა ვიცოდი მე თქვენგან უკეთე გამორჩეული ნახე ტარიელს რაზმი ჰყავს და ასაბია წვეული ამისთვის იქნა ხვარაზმთა ლაშქარი მათგან ძლეული
196. აწ რადგან აღარ დაიშლლი კართ გარე ომსა რაზმითა ღამით გავიდეთ გაპარვით არ მაშხალითა ბაზმითა ცისკრისა ჟამსა დავესხნეთ გმირთა წესითა და ზმითა ღმერთმან ქნას ასრე დავჰხოცნეთ არ იყვნენ ხანსა დაზმითა
197. დაასკვნეს ესე თათბირი თარასგან ნავაზირები ხვარაზმშაჰ ბრძანა უთუვოდ ვქნათ ესე დანაპირები იანგარიშა მისი სპა ომსა მართ ვითა გმირები ასოთხმოცათი ათასი მებრძოლი ამატირები
198. სხვა სპა მრავალი ქვეითი ციხეს დაყარა ჭურვილი ზღუდეთა კარგი მესროლი ჩაბალახ ჩამოხურვილი ღამით გავიდეს თუ ომთა არა მართებდა სურვილი ცისკრისა ჟამსა დამსხმელთა შექმნე სისიხლისა წურვილი ომი ზედ დასხმით ხვარაზმთა ინდოთა არაბთა და თურქთაგან
199. რას ვაგრძელებდე დაესხნეს ცისკრისა ჟამსა ომითა შეიქნა შემოკივილი ქუხილის შენაზომითა მათ მძინარეთა გარეთ ქნეს სისხლი რუდ მინაწდომითა მაღლად იზახდა ხვარაზმშაჰ ტარიელისთვის წყომითა
200. ეტყვის ტარიელს ძე ჩემი შენ მუხთლად მოჰკალ მძინარე თუ მამაცი ხარ შემები მოდი წამოდეგ წინარე მოდი ვჰკრათ ჩვენ ერთმანერთსა ხრმალი სისხლისა მდინარე ვეჭვ სამართალმან შენ შეგქმნა მოსვლისა მოსაწყინარე
201. რა ესე ესმა ძახილი მათ სამთა გმირთა მეფეთა მართ წყნარად ადგომილ იყვნეს ჰგვანდეს ვარდისა მკრეფეთა ტანსა იცმიდეს აბჯარსა მართ შუქთა მოიეფეთა ხვარაზმშას სპათა გაუხდეს ვით მგელნი ძაღლთა მყეფეთა
202. ფიცხლავ მიჰმართა ხვარაზმიშ ვით შავარდენი ფრთიანი სითცა პირი ქნის დახოცის ტანი მუნ დაძრის ხიანი იზახდა ვაი ჰინდოთა ნუვინ გაუშვებთ მღრთიანი დახვდეს მამაცად იბძოდეს დამსხმელთა ეცა ზიანი
203. მათ ლომთა სპანი სამგნითვე შეიძრნეს გარეთ მდგომელნი ზედა დამსხმელთა მიუხდეს ამაყნი მცქაფად მწყრომელნი ფიცხლად შეებნეს არ ჰგვანდეს იგ ფრანგნი ვინმე ჰრომელნი მათნი იაღნი ტიროდეს ვით იცინიან რომელნი
204. იგ სამნივე ხელმწიფენი დაკაზმულნი დადგეს კართა ცხენთა შესხდეს უკეთესთა წინა დროშა აემართა ღმერთსა მუნა მადლი ჰკადრეს შემობრუნდეს მიემართა მკლავნი ჩვენნი ვიხმარნეთო ღმრთით რაც გვინდა დაგვემართა
205. აწ უყურეთ თქვენ მსმენელნო რა ფიცხელი არის ომი სწყვეტდის თავთა თავადებსა ტარიელ არს მათვის მწყრომი დახოცნა და ამოსწყვიტნა ვერვინ იყო წინა მდგომი გარე რაზმი მრავალკეცი დაიხოცა თუ რა ზომი
206. ერთკენ ავთანდილს და ფრიდონს მრგვლივ სპანი ზედ მოეჯარნეს იგი ორნივე გაუხდეს რა გკადრო ვით გაეხარნეს ჰხოცდეს უკანა მისდევდეს ქალაქის კართა შესჯარნეს უნდოდა თუმცა შიგანთა ყოლ კარნი არ დაეყარნეს
207. ტარიელ ნახა ხვარაზმშაჰ გამაყდა გული ბერისა შეიქნა ველი ორგნითვე სისხლითა მონატბერისა გორად ძეს შუბთა ნალეწი და ხმალთა მრავალ ფერისა კვლა მოუბრუნდა ხვარაზმშას რისხვა ცით მონაბერისა
208. შეიქნა ომი ფიცხელი რაზმის კიდემდე კიდია ხვარაზმშას სპათა ჰინდონო ვით მჭელსა მოიმკიდია ეაჯებოდეს ტარიელს სრულ ნუ დაგვხოცო კი დია ვისცა გარდაჰკრის გააპის ცხენს კაცი გარდნაკიდია
209. შუბნი შემოსცნა ხვარაზმშაჰ ტარიელ მკერდსა შელეწნა ვერ გაუტეხნა აბჯარი ვერცა თუ სადმე დახვეწნა ვაქებ ვინ გმირი ასეთი ან სარო ალვა ახეწნა ტარიელ ხრმალი ხვარაზმშას ცხენსა ჰკრა ყოლ არ აძეწნა
210. ტარიელ ცხენი ხვარაზმშას მოუკლა მუნვე დაეცა უფიცხე იბრძვის ქვეითსა ხრმალი უნდოდა დაეცა ყმა აღარავინ იახლა რომ ადრე ცხენსა აეცა ამისთვის მარტო იბრძოდა არათ ღონითა გაექცა
211. დაშვრა მისჭირდა მარტოსა მრავალი ხრმალი ექნია გაუტყდა ხრმალი და ლახტი მართ ვითა მშვილდი შეჰქნია ამისთვის სპათა სიმრავლე მრგვლად ალყად გარე შექნია ხელთა შეიპყრეს დაბნელდეს მისთვის მნათობთა შუქნია
212. ტარიელ ნახა ხვარაზმშაჰ საკლავად გამართებული გაეხარნეს და შეექნა პირი მზებრ წარმართებული თქვა კმარის ჩემთვის ღმრთისაგან წყალობა დამართებული აწ აღარავის მოვაკლევ მეფეა წარმართებული
