... (Q-1335), XVIII ს.

1830. აღლუმი ვნახეთ არ აკლდა იგ ლაშქარნი უთუალავნი მთა და ბარი გაიტენა მოიმატა სპანი სხუანი ბუკსა იკრეს და ავთანდილ ფრიდონს სძღუნიან მოდგეს თავნი მიდგეს შორით უსალამეს თქუენ თუ ვნახეთ ცათ ვარსკლავნი

1831. სამთა მეფეთა დროშები მუნ სამგან ამართულნია ხუარაზმს მიდიან სასწრაფოდ არ წყნარად გამართულნია სხუათა მრავალთა თავადთა ნიშანი წარმართულნია მე ვერ დავთვალე ამარვა ჩემგან ძნელ შემართულნია

ავთანდილისაგან და ფრიდონისაგან წასულა და ხუარაზმელთ ომი

1832. ცისკრად შეიქნა ჴმა ბუკთა საყვირთა ქოს ტაბლაკება ინდონი დგანან შუასა შუენის დროშის ალამებია მარჯვნით დგას ლომი ავთანდილ ყოლ არა უნდა მას ქება მარცხენით ფრიდონ მოყვების უხარის მათ გუერდსა ხლება

1833. გაემართნეს სამესისხლოდ ხუარაზმს მივლენ გმირნი ესე ზღუათა მათთა არ მივიდეს ღაზოდ იყვნეს სისხლთა მთესე მივიდეს და აწ ამათ ქნეს პირველ მათგან დანაწესე ცეცხლებრ სწვენ და აოჴრებენ მიუბრუნვეს რისხვა ზესე

1834. წავიდა კაცი საცნობლად ვით შავარდენი ხეზითა აცნობა ხუარაზმთ მეფესა მორჭმულსა ღ~თითა ზეზითა არიან ორნი მნათობნი ჰგუანან მოსრულან მზე მზითა ქუეყანა სრულად დაუწუავს რისხუა მათით მიზეზითა

1835. ხუარზშას ესმა ამბავი მოსულა ჰინდოთა რაზმისა კვლა მეშულად ფრიდონ ავთანდილ ბრძნად მისთუის არ ნაკაზმისა იგი აჩქარდა ჴმობა თქვა სპისა მის ხუარაზაზმისა სწრაფით მივიდეს ვერა ვთქვით ზრახვა შინ ხანსა დაზმისა

1836. რა ლაშქარნი მოუვიდეს იკრეს ფიცხლა ნაღარათა ხანს არ ჰყოვნის აიყარა არას ელის აღარათა წინ ლაშქარნი გაიძღუანნა ფიცხლად მათკენ გაემართა მიეჯარნეს რაზმი დადგეს დროშა მრავლად აემართა

1837. კვლავე ხუარაზმთა ემთხუივა მუნ კაცი მოამბობარი მოვიდაო სპა მრავალი და აივსო მთა და ბარი სრულნი შენნი დიდებულნი დაიჴოცნეს არ ვინ არი მრავლად ზიდეს საქონელი ჯორ აქლემი უამარი

1838. წინ მოეგება ხუარაზმშაჰ რაზმითა მრავალ კეცითა იზახდა ჴაფად მებრძოლნო თქვენ ჩემნო გაიქეცითა თუ მკითხავთ გიჯობს სით მოხვალ მუნითვე შეიქეცითა თუარ გათქუმევინო თუ ჩვენთვის რისხვით ცა დაიქეცითა

1839. ამას იზახდა ხუარაზმშაჰ ორთავე რაზმი გასწორდა შეიქნა შემოტევება მუნ მშვილდოდსნობა გაჭორდა ჰკარ მოკალ შეიპყარისა ჴმა თუით მრავალთაგან გაორდა ბოლოდ გაიქცა ხუარაზმშაჰ ღ~თისა წყალობა გაშორდა

1840. უკან მისდევენ ხუარაზმშას გმირნი ორნივე მეფენი ძალ გულად მგზავსნი ლომთანი კბილითა მესადაფენი ხუარაზმშას სპანი ძლეულნი მიდიან რბით მოსწრაფენი აივსნეს მათნი მძლეველნი აბჯრითა მეალაფენი

1841. დროშა ჰინდოთა მეფისა შუა დგას სათავადოსა მარჯუნით უთქს მეფე არაბთა ომისა მოსაწადოსა მარცხენით გმირი ნურადინ კარგსა სახუაშიადოსა ომ გარდახდილნი ჰშუენოდეს ჩამოჰჴდეს უდილადოსა

1842. გარეთ ყოველგან ოხრად ქნეს ციხე ქალაქთა ვაკობა კვლა შიგანთაცა არ დასცხრა ომი და ბუკ ტაბლაკობა მუნ მოიწია უთქუამი სისხლისა საარაკობა ერთ წლამდის მათცა ოჴრად ქნეს ვაკეა თუ ხანდაკობა

1843. ტარიელ ადგა სენთაგან ღთისაგან შეწყალებული დიდი ინდოთა პატრონი მორჭმული ალაღბული დაშუენდა მსგავსია მზისა და მთუარე პირ გავსებული მას ტურფად მოუხდებიან სიცილი კარ გაღებული

1844. მკურნალთა მადლი უბრძანა წყალობა მისათხრობელი ამითა მეცა შემოგზღო ჩემთუის იყუენით მშრობელი პირი ქნა ხუარაზმელთაკენ მივა არ დაუშრობელი დაჰჴოცნე ჩემნი მებრძოლნი სისხლნი ვქნნე დაუშრობელი

1845. ამას თურმე უბრძანებდა მოსჯობდა და დარჩა სრულად აბჯროსანი ვით დაშუენდა ვიკადრებდე ამას რულად მისთ მებრძოლთა გაიცდიდა ძუელ ნაჭ[ა]რთა სისხლ წასრულად ერთობ ავად დაჴოცილთა გაპატიჯულ გაბასრულად

1846. უბრძანა ჴმობა ლაშქართა ვინ შინა დანარჩომია შესთვალა ხუარაზმს წავიდეთ აწ ჩუენცა გუმართებს ომია მოვიდა ჰინდოთ ლაშქარი სიკეთე მიუხდომია ოცი ათასი მოვიდა ყველაი მისთუის მწყრომია

1847. ცისკრად იკრეს ნობ დაბდაბსა გაემართა ლომი ლომთა ხუარაზმს მივა სამესისხლოდ უქადებდა დიდითა ომთა გაუგზავნა წინათ კაცი მათ ძმობილთა ომს უშრომთა შესთვალა თუ დავრჩი მოვალ გარდავასხამ სისხლთა ჴომთა

1848. მივიდა მახარობელი წინაშე მისთა ძმობილთა მისთვის თავ გამოწირულთა მისთუის საშველად ჴმობილთა მისთვის ტირილით მოსრულთა და მისთვის ჩამოჭკნობილთა წინ მოეგებნეს აჩენდეს მათ მარგალიტთა წყობილთა