... (Q-930), XVII ს.
1627. ერთმანერთისა: მეშველთა: მებრძოლნი: იმაჯანიან: ორთავე: მტერი: მოყუარედ: მათ: წინა: მიიყუანიან: მათთა: ურჩთა: და: შემკადრთა: მიწები: ააკუანიან: ორგულთა: მკლავნი: შემუსრნეს: ერთგულნი: აგულვანიან:
1628. ყოვლთა: სწორად: წყალობასა: ვითა: თოვლსა: მოათოვდეს: ობოლ: ქურივნი: დაამდიდრნეს: და: გლახაკნი: არ: ითხოვდეს: ავის: მქმნელნი: დააშინნეს: კრავნი: ცხუართა: ვერა: სწოვდეს: შიგა: მათთა: საბრძანისთა: თხა: და: მგელი: ერთად: სძოვდეს:
ტარიელ დასნეულდა და ხვარაზმელთ უმტრეს:
1629. ვაი: საწუთროო: უხანაო: სიმუხთლისა: სენი: გჭირსა: უწინ: ცათა: გაყუანილსა: ჩააგდებვე: დიდსა: ჭირსა: გააყვითლებ: ქარვის: ფერად: პირველ: ლალსა: განაჭვირსა: კარგად: ვერვინ: ვერა: ნახავს: ხანგრძლად: შენგან: დანაჭირსა:
1630. ესე: ამბავი: ნარჩომი: მათ: ლომთა: მორჭმით: მგონეთა: გალექსვა: აკლდა: ხუარაზმთა: მეტად: ვერ: მოვიგონეთა: ძნელია: პოვნა: გული: ჰკრთა: დავვარდი: დავეღონეთა: კულავ: ვსთქუით: ლექსი: გავმერთე: მოსმენით: გაიგონეთა:
1631. აწ: გონიერნო: სიტყვანი: თქუენ: ჩემნი: შეიწყნარენით: ძველნი: ნარჩმნი: ამბავნი: ლექსად: ვთქუენ: გაიხარენით: სარგის: დაურჩა: უთქმელად: მას: ესე: დავაბარენით: ლექსნი: მიქენით: ამისთუის: ენანი: მომახმარენით:
1632. გრძლად: ავად: გახდა: ტარიელ: სენთაგან: მორჭმით: მპყრობელი: დიდი: ინდოთა: ჴელმწიფე: მეფეთა: ზედა: მფლობელი: ოთხ: წელ: ზედა: სწვა: ლოგინთა: მრავალთა: სენთა: მშობელი: ვეღარა: ვნახე: მჴეცთა: სრვით: და: ვერცა: რაზმთა: მწობელი:
1633. ესმა: ხვარაზშას: ამბავი: ესე: ჰინდოთა: სენისა: ვით: გაეხარნეს: რა: გკადრო: სიამე: მონახსენისა: ვაზირნი: უჴმო: რჩევად: ზის: უბნობს: არ: ავ: ენისა: იტყუის: ვადინოთ: ინდოეთს: სისხლი: რუდ: მონადენისა:
1634. მე: მასმია: ინდოთ: მეფე: ტარიელ: წევს: ხანთა: დიდთა: აწ: ჩვენ: გუმართებს: სისხლთა: ძებნა: ნუ: ვამყოფებთ: დანამშვიდთა: ამოვსწყუიტნეთ: დავარბივნეთ: ვჴოცდეთ: ვსცემდეთ: ვითა: ჴიდთა: ათასთა: და: ბევრ: ათასთა: შევიქმოდეთ: მათთა: შვიდთა:
1635. უტარიელოდ: ინდოთა: ლაშქარნი: ნურა: გგონია: იცით: თუ: რამაზს: რა: უყო: არად: არ: სავარგონია: პირველ: ბრძენთაგან: მრავალი: სიჯაბნე: გამიგონია: აწ: გუმართებს: მათი: მტერობა: ესე: მით: მომიგონია:
1636. ვაზირთა: ჰკადრეს: მეფეო: ვართ: დედის: მუცლით: მონანი: მაგა: საქმისა: ვერქმნელნი: ვართ: აქამდისცა: მონანი: ჩუენ: მოგუეწონნეს: თათბირნი: ეგ: თქუენი: შენაგონანი: ღ~თსა: სწადს: ასრე: სუბუქ: ვქნათ: ვითა: დრამისა: წონანი:
1637. თუ: ბრძანოთ: აწვე: გავგზავნოთ: ყოველგნით: ლაშქრისა: ჴმობელი: უჴმოთ: ხუარაზმთა: ლაშქარნი: მებრძოლთა: დამამხობელი: ომისა: მოწადინენი: ერთმანერთისა: მსწრობელი: ჩაუქნნი: აბჯარ: ზნე: სრულნი: უაზრო: დაუშრობელი:
1638. მეფემან: ბრძანებს: გავგზავნოთ: ყოვლგნით: წასულა: ჴამს: კაცისა: ნურვინ: დადგების: მოვიდნენ: რაზმი: ვჰკრათ: მართ: მამაცისა: ნურვის: დავარჩენთ: ავსწყუიტოთ: ნაშობი: მუნ: დიაცისა: ომგარდახდილნი: ვბრწინვიდეთ: ვართ: ვითამ: გუნდია: ცისა:
1639. წავიდეს: ყოვლგნით: ბრძანება: ლაშქართა: ხუარაზმულისა: ინდოეთს: ზედა: აწუევენ: გრძლად: ხანსა: დასაზმულისა: გულ: მესისხლურად: მებრძოლად: ყოლ: არ: მოწყალედ: მზმელისა: მოვიდეს: იგ: გამოკაზმულნი: ვთქუა: ჴშირად: სარაზმულისა:
1640. აღლუმი: ნახა: მეფემან: ლაშქართა: მიმართულისა: ანგარიშმიუხდომელი: ინდოეთს: გამართულისა: დროშისა: ანგარიში: ქნეა: ზრო: გრძელად: ამართულისა: ოცი: ათასი: დასწერეს: ალმისა: წარმართულისა:
1641. ცხენ: კაცისა: ანგარიში: თუალითა: ვერვის: შეუგია: შუბი: ოთხასი: ათასი: ბასრის: პირი: დაუგია: გაემართნეს: ინდოეთს: სისხლითა: ძებნა: გაუგია: საქმე: ყოვლი: ზაბუნი: ქუში: ვაიმე: დიდი: აუგია:
1642. ხვარაზმშით: გამოემართა: რევაზონ: მეფის: შვილიო: მთვარე: კირჩხიბსა: ზედან: ზის: აწ: არის: ეტლი: ცვლილიო: მენავეთაცა: უბრძანა: დაჰკაზმეთ: ნავი: მსხუილიო: წავიდეთ: მტერი: დავადნო: მე: ვითა: ცეცხლმან: ცვილიო:
1643. წავიდეს: ზღვარი: დააგდეს: ხუარაზმთა: საჴელმწიფოსა: ინდოთა: ზღვართა: შეუჰჴდეს: არბევენ: ვით: სასწრაფოსა: ჰჴოცენ: კაცსა: და: დიაცსა: ტურფასა: საალაფოსა: ოჴრად: გაჰჴდიან: ქალაქსა: სამოთხეს: დასამყოფოსა:
1644. ესმა: ინდოთა: მეფესა: სენთაგან: დამძიმებულსა: ემატა: სევდა: სევდასა: აღარ: ნეტარძი: ებულსა: ბრძანა: თუ: მიყო: სოფელმან: მისგან: არ: გახარებულსა: აწ: გნუკევ: ომსა: ლაშქართა: მათთათვის: არ: დაზარებული:
1645. აჰა: სოფელი: რათა: ჰგავს: სიტკბო: სოფლისა: წესია: ზოგთა: ტახტი: აქუთ: წესისა: და: მერმე: სამარესია: ჭკნების: ყუავილი: ხორცთანი: მბრუნავი: ეტლი: ესია: ანაზდად: შეუყვარდების: მიინდობს: ზესთა: ზესია:
